Historia

Wakala wa Barabara za Vijijini na Mijini (TARURA) ulifunguliwa rasmi na Mheshimiwa Waziri Mkuu Kassim Majaliwa Kassim tarehe 2 Julai 2017. Uzinduzi wa TARURA ulifuatiwa na  kutangazwa katika Gazeti la Serikali Na.GN 211 ya 12 Mei 2017.

Waziri Mkuu alielekeza TARURA kukataa rushwa kubwa ambayo inashiriki katika michakato ya zabuni, hasa kwenye  miradi ya barabara. "Wakandarasi wenye uwezo tu wanapaswa kuajiriwa kutekeleza miradi ya barabara kupitia zabuni za ushindani," alisema Waziri Mkuu. Pia aliagiza TARURA kushughulikia usimamizi mbovu wa mikataba ya ujenzi kati ya Wakandarasi na Mamlaka katika miradi ya barabara, kusisitiza juu ya uwazi katika mikataba yote ya kazi za umma.

Mh. Majaliwa aliwaonya baadhi ya viongozi wa halmashauri ya wilaya ambao walishutumiwa kwa kubadilisha matumizi ya  fedha zilizotengwa kwa ajili ya miradi ya barabara kwenye miradi mingine, alisema kuwa fedha zinapaswa zitumiwe kwenye  miradi iliyopangwa.

Alisema kuwa TARURA itawezesha maboresho kwenye  mtandao wa barabara za vijijini na mijini, na kuwezesha watu kusafirisha mazao na vitu vingine kutoka vijiji hadi maeneo ya mijini.

"Wakala mpya ni ufunguo katika kuelekea kuimarisha uzalishaji kwenye kilimo kwa kuwezesha usafirishaji wa mazao kwa sokoni. Pia itakuwa muhimu kwa ukuaji wetu wa uchumi, " aliongeza kuwa TARURA itasaidia kubadilisha maisha ya watu, kupunguza hatari na muda watumia kwenye barabara.

Mh.Majaliwa alisema Wakala   mpya utawezesha utoaji wa huduma za kijamii kwa watu hasa katika maeneo ya vijijini. Pia alipitisha ugawaji wa fedha kutoka Mfuko wa Barabara kwenda Wakala wa Barabara  TANROAD  na TARURA kwa asilimia 70 na  30, kwa mtiririko huo.

Mapema, Waziri wa Nchi katika Ofisi ya Rais, Tawala za Mikoa na Serikali za Mitaa,Mh. George Simbachawene, alimsihi  Waziri Mkuu kupitia ugawaji wa fedha kutoka Mfuko wa Barabara kwa TANROAD na TARURA.

"TARURA ni ufunguo wa maendeleo ya Jamii na itakuza kiwango cha uchumi wa Taifa," alisema, akibainisha kuwa miundombinu ya barabara husaidia kuboresha uzalishaji kwenye kilimo na pia kuwezesha utoaji mororo wa huduma za kijamii kwa wananchi.

Waziri alidokeza kuwa mtandao wa barabara chini ya Mamlaka za Serikali za Mitaa zina kilomita 108,942.2, ambazo ni zaidi ya nusu ya mtandao wa barabara nchi nzima.